2017 йилнинг 24 февраль куни тахминан соат 20:00 да, номаълум шахс, Юнусобод тумани ҳудудида фуқаро Эркинов Махмудга тегишли бўлган “Cаptiva” русумли автоулов эшигини универсал пульт ёрдамида очиб, умумий баҳоси 5.900.000 сўмлик мол-мулкини ўғирлаган.

Мазкур ҳолат юзасидан Юнусобод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 169-моддаси 1-қисми билан (ўғирлик) жиноят иши қўзғатилган эди.

Тошкент шаҳар ИИББ ходимлари томонидан ўтказилган тезкор-қидирув тадбирлари натижасида, мазкур жиноятни Улуғбек Садикжонович Мамедохунов содир этганлиги аниқланиб, далилий ашё билан қўлга олинган.

Дастлабки тергов ҳаракатлари давомида Мамедохунов 2017 йилнинг 22 май куни Шайхонтоҳур тумани ҳудудида, фуқаро Соипов Зохидга тегишли бўлган “Prado” русумли автоуловидан 1.200.000 сўм нақд пулларни ўғирлаганлиги аниқланган. нисбатан қамоққа олиш тарзидаги эҳтиёт чораси қўлланилган.

Мамедохуновга нисбатан қамоққа олиш тарзидаги эҳтиёт чораси қўлланилган.

Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.