55502

Янги йил тадбирлари пойтахтдаги 14 та масканда ўтказилади (рўйхат)

Жамият 23 декабрь 16:08 295

Янги йил барчамиз кутилган ва севимли байрам. Ушбу айём шаҳримизда кўтаринки руҳда ўтиши, тошкентликлар ва пойтахтимиз меҳмонлари кўнгилли хордиқ чиқариши, вақтини мазмунли ўтказиши учун тегишли чора-тадбирлар режаси ишлаб чиқилган. Байрам шодиёналари ўтказиладиган масканлар рўйхати шакллантирилган. Унга кўра, жорий йилнинг 22 декабридан 2020 йилнинг 8 январигача Тошкентдаги 14 та жойда Янги йил байрам тадбирлари бўлиб ўтади.

– Алишер Навоий номидаги Ўзбекистон Миллий кутубхонаси ҳамда “Hayatt Regency” меҳмонхонасининг олди майдонида;

– Шайхонтоҳур туманидаги “Анҳор Локоматив” боғида;

– Шайхонтоҳур туманидаги “Наврўз” боғида;

– Чилонзор тумани Алгоритм даҳасидаги “Roison Electronics” корхонаси олд майдонида;

– Яккасарой туманидаги Пушкин майдонида;

– Бектемир туманидаги Маданият ва аҳоли дам олиш марказининг олд томонида;

– Мирзо Улуғбек туманидаги Бобур номидаги “Эко-боғ” ҳудудида;

– Мирзо Улуғбек туманидаги “Central park” ҳудудида;

– Сергели туманидаги “Green park” ҳудудида;

– Учтепа туманидаги “Фарҳод” деҳқон бозорининг Кичик халқа йўлидаги тураргоҳи ҳудудида;

– Юнусобод туманидаги Тошкент ҳайвонот боғи олд майдонида;

– Яшнобод туманидаги “Ашхобод” маданият ва истироҳат боғи ҳудудида;

– Яшнобод туманидаги Мудофаа вазирлигининг Маънавият ва маърифат марказида;

– Чилонзор туманидаги “Humo arena” муз саройининг олд майдонида.

Пойтахтимиздаги Янги йил байрам тадбирларида иштирок этиб, яхши кайфият, кўтаринкиликни ҳис этинг.

Изоҳ билдириш