55505

Ўзбекистонда совуқ чекинадими? «Ўзгидромет» маълумот берди

Жамият 23 декабрь 16:16 1 595

Гидрометеорология хизмати маркази 24-27 декабрь кунлари республикада кузатилиши кутилаётган об-ҳаво ҳақида маълумот берди.

Бугун Ўзбекистон бўйича совуқ антициклон сақланиб туради. Республика бўйича ёғингарчиликсиз об-ҳаво кузатилади, фақат куннинг иккинчи ярмида тоғнинг алоҳида туманларида қисқа муддатли қор ёғиши мумкин. Ҳарорат 2-7 даража илиқ бўлади.

«Ўзгидромет» хабарига кўра, эртадан совуқ антициклон аста-секин чекиниб, Қозоғистоннинг шимолий-шарқий қисмига ҳаракатланади. Республика бўйича ёғингарчиликсиз об-ҳаво кутилмоқда, фақат Андижон, Наманган, Фарғона вилоятларида кечаси ва куннинг биринчи ярмида айрим жойларда кучсиз ёғингарчилик (ёмғир, қор) ва тоғли ҳудудларнинг баъзи жойларида қор ёғиши мумкин. Кундузи ҳаво ҳарорати аста-секин кўтарилиб 5-10 даража илиқни ташкил этади, кечаси 0-5 даража совуқ ҳаво сақланиб туради.

Чоршанба кунидан бошлаб ҳафтанинг охирига қадар Ўзбекистон ҳудудлари бўйича ёғингарчиликсиз об-ҳаво кутилмоқда. Ҳаво ҳарорати кечаси 0-5 даража илиқ, кундузи 10-15 даража илиққача кўтарилади ва бу меъёрдан 3-5 даража юқори.

Ҳафта давомида Республика бўйича айрим жойларда туман тушиши сабабли кечаси ва эрталаб кўриниш пасайиши мумкин.

 

Изоҳ билдириш