7237

Қишлоқ хўжалик техникасига хизмат кўрсатиш тизими қайта ташкил қилинади

Охирги 5-7 йил давомида қишлоқ хўжалик техникасига хизмат кўрсатиш тизими секин аста турғулликка тушиб борди. Унинг ривожланишига,  ягона услубда ёндошув бўлмаганлиги ҳамда сурункали маблағ етишмаслиги тўсқинлик қилиб келди, деб хабар қилди «Ўзагротехсаноатхолдинг» вакили Sputnik мухбирига.

«Мазкур тармоқда охирги йўлларда катта муамолар тўланиб қолганлиги ҳаммага маълум. Ҳозирги кунда биз йил якунига қадар вазиятни тубдан ўзгартишиш бўйича ишлар олиб бормоқдамиз. Хусусан, йил давомида 175 та фаолият кўрсатаётган машина-трактор парклардан 40 таси замонавий юқори унумли техникалар билан таъминланади. Бу аввало, ғалла ўриб-йиғадиган комбайнлар, замонавий юқори унумли ер ҳайдайдиган ва ағдарадиган тракторлар, омочли тракторлар ва сеялкалар», — деб таъкидлади.

«Ўзагротехсаноатхолдинг» АЖ вакили. Янги дастурнинг аҳамиятли томони, бу — машина-трактор паркларда замонавий таъмирлаш станциялар барпо этилишидир. Станциялар ушбу парклар ўзида ёки бевосита далаларда техникаларни тузатиш ишлари амалга ошириш мумкин бўлади. Бу ўз навбатида фермерлар учун таъмирлаш ишларининг тан нархи пасаяди ва далаларда иш унумдорлигини оширади.

Далаларда иш энг қизғин мавсумида фермерлар учун жуда муҳим бўлади. Шу билан бирга, техник хизмат кўрсатиш тизими автоматлаштирилади. Хусусан, барча машина-трактор парклар Тошкентда жойлашган марказий бошқарма билан ягона автоматлаштирилган тармоққа уланади.

Ушбу лойиҳанинг нархи қарийб 12 млн доллардан ошади. Эслатиб ўтамиз, 2016 йил охирида ташкил этилган «Ўзагротехсаноатхолдинг» компанияси қишлоқ хўжалиги техникаси ишлаб чиқариш, сотиш ва сервис хизмати кўрсатиш ҳамда қишлоқ хўжалиги маҳсулотлари ишлаб чиқарувчиларига механизациялашган хизматлар кўрсатишга ихтисослашган.

Компания таркибига республиканинг йирик қишлоқ хўжалик машинасозлик корхоналари киритилган.