1581

Эрон АҚШнинг 15 компаниясига қарши санкциялар киритди

Эрон Ислом Республикаси АҚШнинг «террорчиликка ёрдам бераётган» 15 компанияларига қарши санкциялар киритганини эълон қилди, РИА Новости хабарига асосан.

Ушбу чоралар АҚШ томонидан Эронга нисбатан киритилаётган бир томонлама чеклов чораларига қарши жавоб бўлди.

Эрон томонидан чеклов киритилган компаниялар орасида қуйидагилар бор: BENI Tal, United Technologies Produces, RAYTHEON, ITT Corporation, Re/Max Real Estate, Oshkosh Corporation, Magnum Research Inc, Kahr Arms, M7 Aerospace, Military Armament Corporation, Lewis Machine and Tool Company, Daniel Defence, Bushmaster Firearms International, O.F Mossberg & Sons ва H-S Precision Inc.

«Мазкур компаниялар билан ҳар қандай алоқа ўрнатиш ва ҳамкорлик қилиш тақиқланган, Эрон Ислом республикаси ваколатлари доирасидаги ҳудудларда ушбу компанияларга тегишли мол-мулк мусодара қилинади, компания ходимлари ва раҳбарларига визалар берилмайди», — дейилади Эрон ТИВ баёнотда. Ҳужжатда, айтилишиа қараганда, агар зарур бўлиб қолса, Американинг бошқа компания ва жисмоний шахслари бу рўйхатга киритилади.