Кремл матбуот хизматининг маълум қилишича, Россия президенти Владимир Путин иштирокидаги анъанавий телекўприк 15 июнь куни эфирга чиқади.
Аввалги йилларда бўлгани каби бу сафарги дастур ҳам давлатга қарашли асосий электрон ОАВ: «Биринчи», «Россия 1», «Россия 24» телеканаллари ҳамда «Маяк», «Вести FM» ва «Россия радиоси» радиостанциялари орқали эфирга узатилади.
Бу Путин иштирокидаги ўн бешинчи телкўприк бўлади. Россия раҳбари тўғридан-тўғри эфирда турли шаҳарлардаги фуқароларнинг саволларига жавоб қайтаради.
2013 йилда телекўприк рекорд даражада – 4 соат 47 дақиқа давом этган эди.