8321

Трамп жаҳон етакчиларига ўз телефон рақамини тарқатиш билан шуғулланмоқда

Associated Press нашри манбаларининг хабар беришича, АҚШ президенти Дональд Трамп жаҳон етакчиларига ўз телефон рақамини бериш билан шуғулланмоқда. Бу улар у билан тўғридан-тўғри боғланишлари учун қилинмоқда.

Бироқ, таъкидланишича, бу хатти-ҳаракат дипломатик протоколларни бузади. Агентлик маълумотига кўра, Трамп ўз телефон рақамини Канада бош вазири Жастин Трюдо, Мексика президенти Энрике Пенья Ньето, Франция президенти Эммануэль Макронга берган.

Трампга тўғридан-тўғри қўнғироқ қилиш имкониятидан эса ҳозирча Канада бош вазири фойдаланди, деб хабар беради AP. Мексика ва Канада етакчилари матбуот хизмати агентликнинг бу борадаги мурожаатига жавоб бермасликни маъқул топган. Хавфсизлик бўйича экспертларнинг фикрича, АҚШ президентининг шахсий телефондаги суҳбатлари бошқа давлат разведкалари учун яхши нишонга айланиши мумкин. Бу ҳолат Трампда махсус хизматлар томонидан тасдиқланган смартфон бор эканига қарамай рўй бериши эҳтимолга яқин.

Дональд Трамп бундай дипломатик расмиятчиликка риоя этишда қийналмоқда, сабаби тадбиркорлиги давомида мобил телефондан бемалол фойдаланиб келган, деб таъкидлайди AP.