АҚШ президенти Дональд Трамп Россия ташқи ишлар вазири Сергей Ларовни унинг Вашингтонга сафари давомида қабул қилмоқчи. Бу ҳақида Оқ уй учрашувлари жадвалида айтилган деб хабар бермоқда Интерфакс ахборот агентлиги.
Жадвалда таъкидланишича, Трамп ва Лавров учрашуви Вашингтон вақти билан соат 10:30да Оқ уйнинг Овал хонасида журналистлар иштирокисиз ўтади.
Эслатиб ўтамиз, ҳозирда Лавров уч кунлик ташриф билан АҚШда қолмоқда. У 10 май куни, шунингдек, АҚШ давлат котиби Рекс Тиллерсон билан ҳам музокара ўтказади ва шундан кейин Аляскага Арктика кенгаши давлатлари вазирлик учрашувида иштирок этгани жўнайди.