Россиянинг Липецк вилоятида иккита енгил автомобиль рўпарадан тўқнашиб кетиши оқибатида беш киши ҳалок бўлди, яна бир киши оғир шикастланди, деб ёзади «ТАСС».
ЙТҲ «Липецк—Чаплигин» автомобиль йўлида 6 сентябрь куни 20:30 (Тошкент вақти билан 22:30) атрофида юз берган.
Липецк томонга кетаётган Toyota RAV4 ва қарама-қарши томонга ҳаракатланаётган ВАЗ-2103 тўқнашиб кетган. Оқибатда ВАЗ ҳайдовчиси ва тўрт йўловчиси ҳалок бўлган, Toyota ҳайдовчиси касалхонага ётқизилган.
Россия ИИВ вакили маълум қилишича, ҳалок бўлганларнинг барчаси — ўзбекистонликлар. Улар Добровский туманида қонуний яшаган, барча зарур ҳужжатлари бўлган.
Айнан қайси автомобиль йўлнинг қарама-қарши томонига ўтиб кетгани аниқлаштирилмоқда.