46305

Путин ўн олти нафар ўзбекистонликни Россия фуқаролигига қабул қилди

Россия президенти имзолаган Фармонга кўра, 104 киши Россия фуқаролигига қабул қилинди. Шулардан 16 нафари ўзбекистонликлардир.

Тегишли ҳужжат ҳуқуқий ахборот интернет-порталида эълон қилинган.

Ушбу ҳужжатга кўра, Ўзбекистондан – 16 киши, Молдавиядан – 14, Арманистондан – 11, Беларус ва Тожикистондан – 10 кишидан, Озарбайжондан – 9 киши, Украина, Афғонистон ва Вьетнамдан – 5 кишидан, Грузия ва Қозоғистондан – 3, Франция, Туркия ва Исроилдан – 2, Кипр, Ҳиндистон, Италия, АҚШ ва Германиядан – 1 кишидан Россия фуқаролигини қабул қилганлар.

Бундан ташқари, Россия ҳудудида туғилган икки фуқаро ҳам Россия фуқаролигини қабул қилган.

Фармонга кўра, ушбу шахслар РФ фуқароси қасамёдини қабул қилиши билан Россия фуқаролигини қўлга киритади. Фақатгина балоғат ёшига етмаган болалар бундан мустасно. Улар ота-оналари келтирган қасамёддан сўнг Россия фуқаролигига ўтадилар.

Бундан ташқари, Россия президенти икки нафар беларуссияликни фуқаролигини тиклаган.

Россия раҳбари, шунингдек, тўрт кишининг фуқароликдан чиқиш тўғрисидаги аризасини қаноатлантирган: булар Литва фуқароси ва уч нафар россияликдир.