Имомали Раҳмон Ўзбекистонга қачон келиши маълум бўлди
Тожикистон ҳукуматининг Душанбедаги қароргоҳида 31 май куни тушдан кейин Тожикистон бош вазири Қоҳир Расулзода ва Ўзбекистон Республикаси бош вазири Абдулла Ариповнинг учрашуви бўлиб ўтди. Бу ҳақда АП хабар бермоқда.
Томонлар иқтисодиёт, хавфсизлик, маданият, таълим, ижтимоий ва аграр сектор, энергетика, саноат соҳаларида ҳамкорлик қилишни янада кенгайтириш масалаларини муҳокама қилди.
Жорий йилнинг март ойида Ўзбекистон президенти Шавкат Мирзиёевнинг Тожикистонга давлат ташрифи чоғида Душанбе ва Тошкент ўртасида имзоланган битимларнинг бажарилишига алоҳида эътибор қаратилди.
Шунингдек, Тожикистон президенти Имомали Раҳмоннинг жорий йил кузида Ўзбекистонга амалга оширадиган давлат ташрифига тайёргарлик масалалари муҳокама қилинди.
Тожикистон Президентининг яқин истиқболдаги мазкур ташрифи икки давлат ўртасида барча жабҳалардаги алоқалар ривожига янги туртки беришига ишонч билдирилди.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
