18 апрель, сешанба куни Туркия шарқидаги Тунжели провинциясида вертолёт ҳалокатга учради. Бу ҳақида NTV телеканали хабар берди.
Манбага кўра, вертолёт бортида 14 киши бўлган. Улардан 8 нафари – полиция ходимлари ва икки судья.
Таъкидланишича, Sikorsky вертолёти Туркия полиция департаментига тегишли.
Провинция губернаторининг тахминларига кўра, вертолётнинг қулашига ноқулай об-ҳаво шароити сабаб бўлган. Воқеа жойига қутқарувчилар жўнатилган.
Жабрланганлар ҳақида ҳозирча ҳеч қандай маълумотлар йўқ.