Ўзбекистон Республикаси Президенти Шавкат Мирзиёевнинг таклифига биноан Туркманистон Президенти Гурбангули Бердимуҳамедов 23 апрель куни давлат ташрифи билан мамлакатимизга келди. Ташрифнинг иккинчи куни давлат раҳбарлари Хоразм вилоятида бўлишди.
Шавкат Мирзиёев ва Гурбангули Бердимуҳамедов Урганч туманидаги “Улли ҳовли”, Хива шаҳридаги “Ичан қалъа” ва Нуриллабой тарихий мажмуаларни бориб кўрди.
Хоразм вилояти драма театрида Ўзбекистон ва Туркманистон санъат усталари иштирокида концерт бўлиб ўтди.
Тадбирда Президент Шавкат Мирзиёев ва Президент Гурбангули Бердимуҳамедов иштирок этди.
Шунинг билан Туркманистон Президентининг Ўзбекистонга икки кунлик давлат ташрифи ўз якунига етди.