Ливия қирғоқларида африкалик камида 97 мигрант қидирилмоқда. Уларнинг орасида аёллар ва болалар ҳам бор.
Ливия соҳил қўриқлаш хизматининг маълум қилишича, мигрантларнинг кемаси чўкиб кетган.
Ҳозиргача 23 кишини қутқаришга муваффақ бўлинди. Қутқарув операцияси давом этмоқда, аммо қолган мигрантларни тирик топишга деярли умид йўқ.
Ливия Ўртаер денгизи орқали Европага бормоқчи бўлган мигрантлар учун муҳим транзит пункти ҳисобланади.
Халқаро миграция ташкилоти маълумотига кўра, жорий йилда Ливия соҳилларида камида 590 қочқин бедарак йўқолди.