Нью-Йорк метросида хавфсизлик чоралари кучайтирилади
АҚШнинг Нью-Йорк шаҳри мэрияси шаҳар метроси хавфсизлигини таъминлаш учун кўпроқ захиралар ажратади. Бу ҳақдаги қарор Санкт Петербург метросида теракт содир этилгандан кейин қабул қилинди.
«Нью-Йорк аҳолиси шаҳар раҳбарияти АҚШдаги энг кучли аксилтеррорчилик захираларига эга эканлигига ишончи комил бўлиши мумкин. Ҳозир биз метродаги хавфсизликни таъминлаш учун катта куч ва эътиборни мужассамлаштирганмиз», деб айтди матбуот-анжуманда шаҳар мэри Билл де Блазио.
У кўча ва транспортда ҳуқуқ-тартибот идораларининг ўқотар қурол ва хизмат итлари билан қуролланган ходимларидан иборат патруллар пайдо бўлишидан огоҳлантирди. У шу сабабли шаҳар аҳолисидан асабийлашмасликни илтимос қилди.
Нью-Йорк полиция бошқармаси бошлиғи Жеймс О’Нил «дунёдаги содир этилган охирги ҳужумлар терактлар содир этилиши фақатгина вақт масаласи эканлигини яна бир бор исботлаганини» айтди. «Шунинг учун ҳуқуқ-тартибот идоралари исталган воқеалар ривожига ҳамиша тайёр туришлари лозим», деб таъкидлаб ўтган О’Нил, – деб ёзмоқда «КОМСОМОЛЬСКАЯ ПРАВДА» нашри.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
