564 млн. сўмлик тиллаларни юртимизга олиб кирмоқчи бўлган аёл аэропортда қўлга олинди
“Тошкент-Аэро” ИБК Ахборот хизматининг хабар беришича, Истанбулдан Тошкентга учиб келган самолёт бортидаги йўловчилар бирин-кетин божхона назоратидан ўта бошлаганда Ирода Қурбонова (мақоладаги исм-шарифлар ўзгартирилган) курткаси холислар иштирокида кўздан кечирилганида, чўнтакларига бир нечта полиэтилен ўрамлар жойлангани аниқланди.
Ўрамлар очиб кўрилганда эса И.Қурбонова томонидан йўловчи божхона декларациясида кўрсатилмаган ва божхона ходимларининг оғзаки сўрови пайтида маълум қилинмаган, умумий оғирлиги 2,5 кг.дан ортиқ бўлган тилла тақинчоқлар яширилгани аниқланди.
Божхоначиларнинг кўзини шу тариқа шамғалат қилишга уринган бу аёл ушбу найранги орқали 254 жуфт зирак, 253 дона узук, 26 дона кулон, 19 дона занжир ва 3 дона билагузукларни республикамизга яширинча олиб киришга уринган эди. Дастлабки ҳисоб-китобларга кўра, ушбу тилла буюмларнинг умумий қиймати тахминан 564 млн. сўмдан ошар экан.
Ҳозирда ушбу ҳолат юзасидан божхона текширувлари ва суриштирув жараёнлари давом эттирилмоқда.
Таъкидлаш жоизки, Ислом Каримов номидаги Тошкент халқаро аэропортида йил бошидан буён божхоначилар томонидан ҳуқуқни муҳофаза қилувчи бошқа идоралар вакиллари билан ҳамкорликда аниқланган 91 та божхона қоидабузарлиги натижасида қиймати 1.8 млрд. сўмдан ортиқ салкам 30 кг. оғирликдаги тилла ва заргарлик буюмларининг ноқонуний олиб ўтилишига чек қўйилган.
Эслатиб ўтамиз, амалдаги тартибларга мувофиқ, божхона чегараларини кесиб ўтиш пайтида жисмоний шахслар томонидан тўлдириладиган йўловчи божхона декларациясининг 5-бандида ҳар қандай кўринишдаги ва ҳолатдаги қимматбаҳо металлар ва қимматбаҳо тошлардан ясалган буюмларнинг миқдори аниқ кўрсатилиши шарт.
Ўзбекистон Республикаси ҳудудига жисмоний шахслар томонидан товарларни акциз солиғи солинмасдан олиб киришнинг рухсат этилган меъёрларига мувофиқ умумий оғирлиги 30 граммдан ортиқ бўлмаган 5 донагача заргарлик буюмларини олиб киришга рухсат этилади.
Сўнгги янгиликлар
-
24 декабрь 13:31 -
24 декабрь 11:37
-
23 декабрь 17:16
-
23 декабрь 17:08
-
23 декабрь 16:50
-
23 декабрь 16:16 -
23 декабрь 16:08
-
23 декабрь 15:49
-
23 декабрь 10:35
-
23 декабрь 10:16
