Андижонда автомашиналарни тунаб кетаётган шахс қўлга олинди
Андижонда автомашиналарни тунаб кетаётган шахс қўлга олинди, деб хабар қилди Ўзбекистон ИИВ матбуот-хизмати.
Хабарга кўра, Андижон туман «Ойжамол» маҳалла фуқаролари йиғини ҳудудида номаълум шахс фуқаро Ш.Мга тегишли бўлган «Spark» автомобилини тунаб кетган. Жиноятчи автомашина олди эшигини темир жисм билан очиб, автомашина салонида бўлган 3 дона уяли телефон аппарати, 100 АҚШ доллари ва 1 миллион 900 минг сўм миқдоридаги маблағларни ўғирлаб кетган.
Кўрилган чоралар натижасида номаълум шахс ушланган, у Андижон шаҳрида яшовчи 1971 йилда туғилган Э.Б бўлиб чиққан.
Фуқаро ёнидан топилган 100 АҚШ доллари, 1 дона телефон аппарати ва 450 минг сўм пуллар ашёвий далил сифатида олиб қўйилган.
Ҳолат юзасидан жиноят иши қўзғатилган. Вазирлик хабарига кўра, айни вақтда тергов ҳаракатлари давом этмоқда.
Сўнгги янгиликлар
-
24 декабрь 13:31 -
24 декабрь 11:37
-
23 декабрь 17:16
-
23 декабрь 17:08
-
23 декабрь 16:50
-
23 декабрь 16:16 -
23 декабрь 16:08
-
23 декабрь 15:49
-
23 декабрь 10:35
-
23 декабрь 10:16
