13932

Давлат тест маркази ходимлари сони қисқартирилди

Ҳукуматнинг 17 июлдаги қарори билан Вазирлар Маҳкамаси ҳузуридаги Давлат тест маркази тўғрисидаги янгиланган низом тасдиқланди. Бу ҳақида Norma хабар бермоқда.

Унда ДТМнинг янги асосий вазифалари белгилаб берилди, жумладан:

• Республика таълим муассасаларига қабул қилишда тест синовлари ўтказиш соҳасида давлат сиёсатини амалга ошириш;
• Тест натижаларининг холислиги, ҳаққонийлиги ва адолатлилигини таъминлаш;
• Тест вазифалари базасини шакллантириш, педагогик баҳолаш воситаларини такомиллаштириш;
• Тест синовларини ташкил этиш ва ўтказиш, жараённи мувофиқлаштириш, тест материалларини чоп этиш, тест синовлари натижаларини таҳлил қилиш;
• Чет тилларини ўзлаштириш даражасини баҳолашнинг миллий тизимини ривожлантириш.

ДТМ директори тест синовларининг сифатли ўтказилиши учун жавобгарликни ўз зиммасига олади. ДТМ бошқарув персоналининг умумий миқдори 72 кишига қисқатирилди (илгари бу кўрсатки 89 кишига тенг эди).

ДТМ давлат бюджети, ҳомийлик маблағлари ва бошқа тақиқланмаган манбалардан молиялаштирилади.