Бундан аввал Гамбургда «Катта йигирмалик» саммити якунларига бағишланган матбуот анжуманида Путин баёнот бериб, Трамп билан учрашганида киберхавфсизлик масалалари бўйича ишчи гуруҳи ташкил этишга келишиб олингани ҳақида маълум қилган эди.
Путиннинг бу баёноти АҚШ сенатори, Сенатнинг ташқи ишлар қўмитаси аъзоси, демократ Бен Кардин томонидан кескин танқидга учради.
Кардиннинг айтишича, Россия нафақат Америка сайловларига аралашди, балки Перл-Харборда бўлгани каби ҳужум уюштирди. У россиялик хакерларнинг АҚШга уюштирган кўплаб ҳужумлари ва Кремлнинг ўтган йили АҚШ сайловолди компаниясига аралашганига жавоб тариқасида Россияга нисбатан янги жазо чораларини қўллашга чақирди.