Алишер Усмонов: мен Навальний устидан судга мурожаат қиламан ва ҳуқуқ-тартибот идораларига ариза бераман
Россиялик тадбиркор ва миллиардер Алишер Усмонов мухолифат вакили Алексей Навальний устидан судга мурожаат қилишни режалаштирмоқда. У бу ҳақида ТАСС агентлигига берган интервьюсида маълум қилди.
«Навальний одамларни чалғитмоқда ва унинг уқдиришлари бўҳтон. Мен ортиқча PR қилмаслик учун узоқ вақт унинг ёлғон сўзларига эътибор бермадим. Аммо, мени жиноятлар содир этишда айблаган сўнгги туҳматлари билан қизил чизиқни босиб ўтди. Шу муносабат билан мен Навальний устидан судга мурожаат қиламан ва ҳуқуқ-тартибот идораларига ариза бераман», — деган тадбиркор.
Алишер Усмоновнинг фикрича, Алексей Навальний Усмоновни гўёки бош вазир Дмитрий Медведев билан боғлиқ фондни молиялаштириш ва коррупцияда айблаш учун маънан ҳақли эмас, чунки Усмонов ўз ишларини «шаффоф ва қонуний» олиб боради.
«Навальнийнинг мени айблашга маънан ҳаққи йўқ. Навальний одамларни чалғитмоқда», — деган Усмонов. Миллиардернинг қўшимча қилишича, «турли мамлакатларнинг махсус хизматлари ва солиқ идораларига» у ҳақда барчаси аён.
Навальний март ойида YouTube саҳифасида Россия бош вазири Дмитрий Медведевни коррупцияда айбловчи фильмни намойиш қилган эди. Унда Алишер Усмонов номи ҳам тилга олинган.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
