Ҳукуматнинг 2018 йил 30 июндаги 494-сон қарорига мувофиқ, Ўзбекистон Республикаси фуқароси нобиометрик паспортининг амал қилиш муддати қуйидагича белгиланди:
— мамлакат ҳудудида 2019 йил 31 декабрга қадар;
— чет эл ҳудудида нобиометрик паспортнинг амал қилиш муддатига қадар узайтирилди.
Эслатиб ўтамиз, Тошкент шаҳар Ички ишлар бош бошқармаси (ИИББ) аҳолини 2018 йилнинг 1 июлига қадар эски паспортини янги биометрик паспортга алмаштириш лозимлиги, 1 июлдан эски паспортлар амал қилиш муддати тугаши ва янги паспортни олишга улгурмаганлар учун маъмурий жавобгарлик белгилангани ҳақида огоҳлантирган эди.