АҚШ президенти Дональд Трамп чиплар ва микросхемалар ишлаб чиқарувчи американинг Qualcomm ва сингапурнинг Broadcom компаниялари ўртасидаги тузилажак битимни таъқиқлаб қўйди.
Трампнинг фикрича, ушбу битим АҚШ миллий ҳавфсизлигига таҳдид солиши мумкин экан. Агарда у муваффақиятли амалга ошганда, сингапурлик корпорация АҚШнинг мобил қурилмалари учун чиплар ишлаб чиқарадиган компанияси устидан тўлақонли назоратга эга бўларди. Шу сабабли президент битимдан шу заҳоти воз кечишга чақирди.
Эслатиб ўтамиз Broadcom Qualcomm компаниясини сотиб олиш учун $177 млрд таклиф қилган эди.