Лола Каримова-Тиллаева орден билан мукофотланди (фото)
Ўзбекистоннинг Биринчи президенти Ислом Каримовнинг қизи Лола Каримова-Тиллаева Франциск I қироллик орденининг Дама фахрий унвонига муносиб деб топилди. Бу ҳақида у ўзининг Instagram саҳифасида хабар қилди.
Унга мукофотни Икки Сицилия шаҳзодаси Чарльз ҳамда малика Камилла де Бурбонлар топширишди.
«Франциск I қироллик орденининг ушбу юксак унвонига муяссар бўлиш мен учун катта шараф. Орден муҳим гуманитар ва хайрия ташаббуслар ҳамда динлараро алоқаларни ривожлантиришга қўшган ҳиссаси учун халқаро даражада тан олинган»,- деб ёзади у.
Турли йилларда Франциск I орденининг рицарь ва дама унвонига Дания маликаси Бенедикта, Буюк Британия собиқ бош вазири баронесса Маргарет Тетчер, Макка вилояти ҳокими шаҳзода Ҳолид ал-Файсал бин Абдулазиз аль-Сауд, Косовонинг собиқ президенти Атифете Яхьяга, БМТ собиқ бош котиби Пан Ги Мун сазовор бўлган.
Эслатиб ўтамиз, аввалроқ Лола-Каримова Тиллаева Ўзбекистон Гимнастика федерацияси президенти лавозимини тарк этишини билдирганди. Февраль ойи бошида у Ўзбекистоннинг ЮНЕСКОдаги элчиси сифатидаги фаолиятини якунлаганди.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
