Ақтўбедаги ЙТҲда жабрланганлар ҳақида маълумот берилди
Бугун эрталаб Ақтўбе вилоятида автобус билан билан боғлиқ ЙТҲдан жабрланган ўзбекистонлик фуқаролар Хромтау тумани марказий шифохонасидан чиқиб кетган. Бу ҳақида душанба куни “Казинформ” халқаро ахборот агентлиги хабар қилди.
Шифохона бош шифокори Людмила Волненконинг таъкидлашича, кеча кечқурун шифохонага турли жароҳатлар билан жами 9 нафар ўзбекистонлик, шу жумладан, 3 аёл ва 6 эркак олиб келинган.
“Улардан бирининг жароҳати ўрта оғирликда эди. Қолганларининг эса қониқарли даражада. Жабрланганлар тунда бизнинг назоратимиз остида бўлишди.
Хотин-қизлардан бири бош мия чайқалиши жароҳати олган экан. У касалхонага қолишни рад этди.
Қолганларга тиббий ёрдам кўрсатилди. Уларда, асосан, бурун, қовурға синиши жароҳатлари аниқланди. Уларнинг аҳволи қониқарлилиги боис эрталаб жавоб бериб юбордик”, — дейди шифокор.
Эслатиб ўтамиз, Қозоғистоннинг Ақтўбе вилоятида ЙТҲ оқибатида автобус йўловчилари бўлган етти нафар Ўзбекистон фуқаролари турли даражадаги тан жароҳатлари билан Хромтау туман марказий касалхонасига ётқизилган. Автобус салонида 25 нафар йўловчи бўлган.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
