27515

Мактабда кўзи ёриган ўқитувчи боласини сумкага солиб қўйди (видео)

“Башкортостан” телеканалининг Вести дастури орқали хабар қилинишича, Бошқордистон пойтахти Уфадаги мактаблардан бирига ишга келган ўқитувчи дарс вақтида кўзи ёриган. Шифокорлар ёрдамисиз чақалоқни дунёга келтирган аёл боласини сумка ичига солиб қўйган. Сўнг ўқитувчи мактабдан кучли қон оқиш билан шифохонага олиб кетилган. Аёл  шифокорларга кўзи ёриганини айтмаган. Аёлнинг кўзи ёриганини шифохонада кўрикдан ўтгандан кейин аниқлашган. Аёлдан бола қаердалигини сўрашганда, у сумкаси томон ишора қилган.

Афсуски, чақалоқ топилганда у ўлик ҳолда бўлган. Аёлнинг айтишича, бола жонсиз ҳолда туғилган.

Тергов қўмитасида маълум қилинишича, ушбу ҳолат бўйича текширув ўтказилмоқда.