АҚШ президенти Дональд Трамп 12 декабрь куни мамлакатнинг 2018 молиявий йил учун мудофаа бюджетини тасдиқлади. Бу ҳақида «РИА Новости» хабар бермоқда.
2018 молиявий йил АҚШда расман 1 октябрдан бошланди. Бюджет қабул қилинишининг кечикиши Конгрессда ҳужжатнинг икки хил варианти кўриб чиқилгани билан боғлиқ. Ҳужжатлардан бирини Сенат, иккинчисини вакиллар палатаси тайёрлаган эди. Якуний версия 16 ноябрь куни тасдиқланди.
Таъкидланишича, мамлакатнинг мудофаа бюджетида Россия агрессиясини тутиб туришга алоҳида эътибор қаратилган. Жумладан, Европадаги иттифоқчиларни қўллаб-қувватлашга 4,6 миллиард доллар ажратилиши кўзда тутилган.
Мамлакатнинг бир йиллик мудофаа бюджети ҳажми жами 692 миллиард долларни ташкил этди.