Россия Давлат Думаси депутати, мамлакат либерал-демократлар партияси аъзоси Алексей Диденконинг айтишича, Жириновскийнинг номзоди партия тарафидан илгари сурилди.
— Владимир Жириновский, — Тажрибали сиёсатчи. У президент сифатида бемалол мамлакатни бошқара олади. Биз бу билан фахрланамиз,— деди Диденко.
Давлат Думаси вице-спикери Игорь Лебедев шу нарсани алоҳида таъкидладики, Жириновский номзоди президентлик сайловларига қўйилган бўлса-да, партиянинг шу йил декабр ойида ўтадиган съезди албатта ташкил этилади.
Эслатиб ўтамиз, Россияда навбатдаги президентлик сайловлари 2018 йил март ойида бўлиб ўтади. Сайлов компанияси эса 2017 йил декабр ойида бошланади.