15-20 октябрь кунлари Ёшлар ижод саройида Россия киноси ҳафталиги бўлиб ўтади.
Мазкур тадбир “Ўзбеккино” миллий агентлиги, Россия Федерацияси Маданият вазирлиги, Ўзбекистон ёшлар иттифоқи, Кинематографияни ривожлантириш маркази ҳамда Россиянинг “Фестсинема” кинокомпанияси ҳамкорлигида ташкил этилмоқда.
Ҳафталикда россиялик машҳур репортёр ва продюсер Михаил Дегтярь, “Ника” совриндори, Венеция кинофестивали совриндори, оператор Алишер Хамидходжаев, продюсер Наталья Иванова, Россияда хизмат кўрсатган артистлар Светлана Тома, Эвклид Кюрдзидис, актёр Александр Песковнинг иштирок этиши кутилмоқда.
Ҳафталик дастуридан рус киноижодкорлари томонидан суратга олинган
«Коробка» (16 октябрь, 17:00),
«Огни большой деревни» (17 октябрь,15:00),
«Тэли и Толи» (18 октябрь, 15:00),
«Находка» (19 октябрь, 15:00),
«Лиризмы» (20 октябрь, 15:00),
«Единичка» (20 октябрь, 18:00) фильмлари ўрин олган.