Япония ҳукумати тўлиқ таркибда истеъфога чиқди
Япония ҳукумати 3 август куни тўлиқ таркибда истеъфога чиқди. Япония Вазирлар Маҳкамасида бўлиб ўтган фавқулодда мажлисда, ҳукумат аъзолари бош вазир Синдзо Абэга истеъфога чиқиш ҳақидаги сўровномани тутқазишди, деб хабар қилмоқда ТАСС.
Япония Либерал-демократик партиясининг шу куннинг ўзида бўлиб ўтган мажлисида ҳукуматнинг янги аъзоларини тайинлаш ҳақида қарор қабул қилинди.
Ташқи ишлар вазири лавозимига Таро Коно тайинланди. У олдин маъмурий ислоҳотлар вазири лавозимида ишлаб келган эди. Собиқ ТИВ раҳбари Фумио Кисида партия Кенгаши раиси лавозимига сайланди.
Мудофаа вазирлигига Ицунори Онодэру раҳбар этий тайинланди. Онодэру ушбу лавозимда 2012-2014 йилларда ишлаган эди.
Ҳукумат бош котиби Ёсихидэ Суга, Иқтисод, савдо ва саноат вазири Хиросигэ Сэко, Молия вазири Таро Асо ва Транспорт вазири Кэйити Исиилар ўз лавозимларида қолишди. Қошлоқ ҳўжалик вазирлигини Кэн Сайто, Маданият, спорт ва фан вазирлигини Ёсимаса Хаяси эгаллади.
Хабарда айтилишига кўра, яқинда Японияда ҳукумат аъзоларининг айримлари аралашган турли можаро ва шов-шувлар бўлган ва улар натижасида жамоатчилик олдида ҳукумат рейтинги тушиб кетган эди. Шундан сўнг Япония бош вазири ушбу қарорга келган.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
