Японияда 3,5 миллион доллар солинган жомадон ўғирлаб кетилди
Япониянинг Кюсю оролида жойлашган Фукуока шаҳри полицияси ичида 380 млн йен (3,5 млн доллар) бўлган чамадонни ўғирлаган 3 гумонланувчини қидирмоқда. Босқинчилик 20 апрелда шаҳарнинг марказий кўчаларидан бирида кундузи юз берган.
NHK телеканалининг маълум қилишича, чамадон эгаси, шаҳарга хизмат сафари билан келган 29 ёшли эркак Mizuho банки бўлимидан пулларни олиб, уларни чамадонга жойлаган. Эркак пулларни олиб, машинаси томон кетаётганда унинг ёнига ниқобларда бўлган икки эркак югуриб келиб, юзига номаълум суюқлик пуркашган. Сўнг чамадонни тортиб олиб, оқ машинада қочиб кетишган.
Мутахассисларнинг айтишича, ичида бунча пул бўлган чамадон 38 кг га яқинни ташкил қилиши керак. Жабрланувчи Токиода яшашини, пулларни эса бизнес учун олганини айтган.
Айни вақтда полиция кузатув камераларидаги ёзувларни ўрганмоқда ва воқеа гувоҳларини сўроқ қилмоқда.
Полициянинг фикрича, мамлакатда жиноятчилик даражаси паст бўлгани сабаб, бу ўғрилик тасодифан юз бермаган. Тахмин қилинишича, жиноятчилар жабрдийда ёнида катта миқдорда пул бўлишини аввалдан билиб, уни пойлаб юрганлар
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
