Ангела Меркель тўртинчи бор канцлер этиб сайланди ва қасамёд келтирди
Германия Бундестаги Ангела Меркелни қаторасига тўртинчи бор канцлер этиб сайланди. Депутатларнинг мутлақ катта қисми уни қўллаб-қувватлади, дея хабар берди РИА “Новости”.
“Ангела Меркель керакли кўп овозни олиб, канцлер этиб сайланди”, – деди Бундестаг раҳбари Вольфганг Шойбле.
Овоз беришда 692 та депутат қатнашди, тўртта бюллетень ноқонуний деб топилди. Депутатларнинг яшириш овоз бериш якунлари давомий қарсаклар билан кутиб олинди.
Минбарда Меркелдан ташқари унинг турмуш ўртоғи Йоахим Зауэр ва 89 ёшли онаси Герлинд Каснер ҳам иштирок этди.
Тантанали маросим президент резиденцияси — Берлиндаги Бельвю саройида бўлиб ўтди.
«Мен ўз кучимни немис халқига бағишлаш, унинг фаровонлигини ошириш, уни зиёнлардан ҳимоя қилиш, Асосий қонун ва федерация қонунларига риоя этиш ҳамда қўриқлаш, ўз лавозимимни чин кўнгилдан бажариш ҳамда ҳар бир инсонга нисбатан адолатли муносабатда бўлишга қасамёд келтираман», – дея айтиб ўтди Меркель.
Қайд этиш жоизки, Меркелни канцлерликка қайта сайлаш учун номзодини мамлакат президенти Франк-Вальтер Штайнмайер илгари сурганди.
Сўнгги янгиликлар
-
20 декабрь 9:33 -
16 декабрь 17:44
-
16 декабрь 10:41
-
23 октябрь 10:20
-
26 сентябрь 10:32
-
24 сентябрь 11:37 -
10 сентябрь 13:11
-
6 сентябрь 11:28
-
23 август 10:34
-
21 август 8:59
