Россиянинг «Матч ТВ» телеканали шарҳловчиси Константин Генич Тошкентга келиши ва Ўзбекистон ҳамда Жанубий Корея учрашувни шарҳлаб бориши ҳақида хабар қилгандик. Генич кеча оқшом Тошкентга етиб келган.
Бугун Ўзбекистон МТРК Медиа-маркази биносида Константин Генич, «Спорт» ва «Ўзбекистон24» телеканаллари ходимлари иштирокида ижодий учрашув бўлиб ўтди. Унда ўзбек ва рус шарҳловчилари ўзаро тажриба ва малака алмашишди.
– Агар бугун Ўзбекистон миллий терма жамоаси жаҳон чемпионати йўлланмасини қўлга киритса, 2018 йилги мундиалда Ватанингиз термаси иштирокидаги ўйинларни ўзим шарҳлашни раҳбариятдан сўрайман, – деди Генич.
Генич Ўзбекистон терма жамоасига ЖЧ-2018 саралашидаги сўнгги ўйинда омад тилади.