Ўзбeкистон Рeспубликаси Фавқулодда вазиятлар вазирлиги “Ўзгидромет” марказининг маълумотига таяниб сел келиши муносабати билан ўз сайтида хабарнома эълон қилди.
Унга кўра, жорий йилнинг 11-16 июнь кунлари Тошкент, Андижон, Наманган ва Фарғона вилоятларининг тоғолди ва тоғли ҳудудларда сел келиши хавфи мавжуд.
Вазирлик аҳолидан хавфсизлик қоидаларига риоя қилишларини сўрайди.