Тошкент вилоятидаги автоҳалокат бир оиланинг умрига зомин бўлди
Тошкент вилоятининг Бекобод тумани ҳудудидан ўтувчи «Қорасув-Бўка-Бекобод» йўлида содир бўлган автоҳалокатда бир оиланинг 3 аъзоси ҳалок бўлди. Бу ҳақида Ўзбекистон ИИВ матбуот хизмати хабар қилди.
Хабарда айтилишича, шу туманда истиқомат қилган, 1986 йилда туғилган Ж.Ў «Дамас» русумли автомашинасини ҳайдаб кетаётиб қарама-қарши йўналишда ҳаракатланиб келаётган Ўртачирчиқ туманида яшовчи, 1990 йилда туғилган Ж.С бошқарувидаги «Howo» русумли юк автомашинаси билан тўқнашув содир этган. Натижада Ж.Ў ва унинг йўловчиси, 1990 йилда туғилган турмуш ўртоғи ҳамда 2015 йилда туғилган қизи оғир жароҳат олиб воқеа жойида вафот этишган.
Тўқнашув содир бўлган йўналишда ҳаракатланиб келаётган Пискент туманида яшовчи, 1996 йилда туғилган М.О бошқарувидаги «Дамас» русумли автомашина ушбу автоҳалокатда бошқарувини йўқотиб йўл четига чиқиб кетиб, ағдарилган.
Мазкур ҳолат юзасидан Ўзбекистон Республикаси Жиноят кодексининг 266-моддаси 3-қисми билан жиноят иши қўзғатилган. Тергов ҳаракатлари олиб борилмоқда.
Для отправки комментария вам необходимо авторизоваться.
Сўнгги янгиликлар
-
16 май 11:35 -
15 январь 14:50
-
27 декабрь 12:49
-
30 ноябрь 14:48
-
8 октябрь 21:27
-
20 август 16:05 -
6 июль 10:55
-
7 июнь 11:15
-
1 июнь 14:58
-
1 июнь 11:50
Йул коидаси умр фойдаси! Оллох узи асрасин! Эхтиётсизлак шошма шошарлик ким узарлар бир бирига йул бермаслик окибатларидан келиб чикади купинча бундай ходисалар.