8824

Ўзбекистон термаси Таиланд билан ўртоқлик учрашувига тайёрланмоқда

Таиланд терма жамоаси Ўзбекистон терма жамоаси билан ўртоқлик ўйини ўтказиш учун кеча Тошкент шаҳрига етиб келди. Бу ҳақида Ўзбекистон Футбол федерацияси хабар берди.

Таиланд терма жамоаси делегацияси бугун, 5 июнь куни тушдан кейин Тошкент шаҳрига етиб келди. Бош мураббий Милован Раевац бўлажак ўйинга 22 футболчини жалб қилган.

Дарвозабонлар: Синтхавичаи Хатхаираттакул («Супанбури»), Сиварак Тедсунгноен («Бурирам Юнайтед»);

Ҳимоячилар: Нарубадин Вираватнодом («Бурирам Юнайтед»), Кевин Диромрам («Ратчабури»), Панса Хемвибун («Бурирам Юнайтед»), Наттапон Малапун («Чонбури»), Путтинан Ваннасри («Бангкок»), Мика Чунонси («Бангкок Юнайтед»), Чалермпонг Кердкаев («Накорн Ратчасима Мазда»);

Ярим ҳимоячилар: Танабун Кесарат («Сингха Чианграй»), Антони Петч Ампаипитаквонг («Бангкок Юнайтед»), Покклав Анун («Бангкок Юнайтед»), Титипан Пуангжан («Сингха Чианграй»), Санрават Дечмитр («Бангкок Юнайтед»), Чаяват Буран («Бурирам Юнайтед»), Бордин Пала («Бурирам Юнайтед»), Чутипон Тонтай («Ратчабури»), Пирадол Чамрасами («Муангтонг Юнайтед»).

Ҳужумчилар: Сирод Чаттонг («Муангтонг Юнайтед»), Нурул Сриянкем («Чонбури»), Тиратеп Винотай («Бангкок Юнайтед»), Рунгрут Пумичантук («Ратчабури»).

Кеча, шунингдек, «Бунёдкор» стадионида ҳар икки жамоа иштирокида расмий машғулотлар бўлиб ўтди. Ўзбекистон терма жамоасининг машғулоти 19:00 да, Таиланд термасининг машғулоти эса 20:00 да бошланди.

Эслатиб ўтамиз, Ўзбекистон — Таиланд учрашуви бугун, 6 июнь куни «Бунёдкор» стадионида соат 20:00 да бошланади. Мазкур ўйин Ўзбекистон термаси учун Эронга қарши 12 июнь куни ўтказиладиган ЖЧ-2018 саралаш ўйинига тайёргарлик вазифасини ўтайди.