Мадриднинг «Реал» жамоаси ҳужумчиси Криштиану Роналду «Сельта»га қарши (4:1) ўйинда дубл қайд этиб, яна бир рекорд ўрнатишга муваффақ бўлди.
Sky Sports нашрининг ёзишича, португалиялик 32 ёшли футболчи Европа Топ-5 чемпионатлари тарихида энг кўп гол урган футболчига айланди. Роналду «Сельта»га қарши ўйинда Европа миллий чемпионатларидаги 367 ва 368-голларини уриб, англиялик Жимми Гривсга тегишли (366 гол) бўлган рекордни янгилади.
Қайд этиш жоиз, Роналду 46 йил давомида сақланиб турган рекордни Жимми Гривсдан 68 ўйин кам ўтказган ҳолда янгилашга эришди.