Жамоа расмий сайтида маълум қилинишича, бугун «Пахтакор» клуби раҳбарияти таркибида ўзгаришлар амалга оширилди. Клуб Вице-президенти сифатида фаолият олиб борган Шодиев Бобур Қобулович клуб президенти этиб тайинланган. Клуб бош директори лавозимида ишлаб келган Аҳматджонов Умид Маҳаматджанович клуб вице-президенти лавозимини эгаллаган. Адисман Дмитрий Александрович «Пахтакор» клуби бош директори бўлган.
Бунгача клуб президенти сифатида фаолият юритган Тошкент шаҳар ҳокими Раҳмонбек Усмонов эндиликда клуб фахрий президенти ҳисобланади.