53722

Аёл киши МИБ ходимига тарсаки туширди, сўнг… (матн, видео)

Ўзбекистон 31 май 20:12 1 944

Воқелик шу йилнинг 8 май куни  Юнусобод туманида содир бўлган.

Шу куни Мажбурий ижро бюроси Юнусобод туман бўлими иш юритувидаги фуқарони уйдан кўчириш ҳақидаги суд қарорининг ижроси  жараёнида  давлат ижрочисига нисбатан қўл кўтарилган.

Хabar.uz`нинг ёзишича, тегишли уй эшиги холислар ва ундирувчининг вакили томонидан очилиб, хатлов ўтказилганда, хонадонга  ижро ҳаракатларига алоқаси бўлмаган З. Д. кириб келади. У тўғри келиб, уй хоналаридан бирига кириб,  тумбочкадан оқ рангли полиэтилэн пакетдаги нарсани олиб чиқиб кетишга ҳаракат қилган.

Давлат ижрочилари ундан кимлиги ва нима мақсадда уйга келганлиги сўралган вақтида у қўлидаги пакетда пул борлиги, улар ўзига тегишли эканини билдиради.

Давлат ижрочилар томонидан З.Д.  тўхтатилиб, қўлидаги пакет холислар иштирокида кўздан кечирилган вақтида, унда 5.600.000 сўм миқдорида пул, 952 АҚШ доллари, 20 Тожикистон сомонийси, 10 Евро, 2 сингапур доллари,   фуқаро Ж. Ф. номига берилган  «VIZA»  картаси борлиги аниқланди.

Давлат ижрочилари томонидан ушбу пул маблағларни олиб кетишга асос йўқлигини тушунтириб, пул маблағларини топширишни маълум қилган.

Шундан сўнг, З.Т. ва унинг турмуш ўртоғи давлат ижрочиларига суд қарорини бажаришда қаршилик кўрсатиб, уларнинг  қонуний талабларига бўйсунмасдан низоли пул маблағларини олиб чиқиб кетишга ҳаракат қилиб, давлат ижрочиларига қаршилик кўрсатиш жараёнида давлат ижрочиси Б.М.Эшонқуловни юзига шапалоқ  тортади. Сўнг  гўёки юзига давлат ижрочиси ургани ҳақида айблаб, очиқдан очиқ  туҳмат қилишга ўтади…

Мазкур ҳолат юзасидан тўпланган ҳужжатлар Юнусобод туман ИИБ томонидан расмийлаштирилиб, теровга қадар текширув ҳаракатлари олиб борилмоқда.

Изоҳ билдириш

Сўнгги янгиликлар