Самарқандда юз берган мудҳиш ЙТҲ оқибатида Nexia ҳайдовчиси ҳалок бўлди (видео)

Ўзбекистон 29 май 23:40 547

28 май куни Самарқанд туманидаги «Ўзбеккенти» маҳалласида мудҳиш автоҳалокат юз берди. Юк машинаси устида юки билан Nexia 3 автомашинасининг устига чиқиб кетган.

Самарқанд вилояти ИИБ Йўл ҳаракат хавфсизлиги бошқармаси матбуот хизматининг маълум қилишича, Самарқанд туманидаги «Ўзбеккенти» маҳалласида ўтувчи автомобиль йўлида 28 май куни соат тахминан 12:00 атрофида 19 ёшли Д.С. бошқарувида бўлган КАМАЗ юк машинаси Ўзбеккенти-Қорасув йўналишида ҳаракатланиб кетаётганда ушбу йўлга туташган М-37 йўналишида ҳаракатланиб келаётган 30 ёшли З.Х. бошқарувидаги Nexia автомобили билан тўқнашиб кетган. Оқибатда З.Х. воқеа жойида ҳалок бўлган. З.Х.нинг икки фарзанди етим қолди.

Мазкур ҳолат бўйича Самарқанд туман ИИБ Тергов бўлими томонидан Жиноят кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлиши) билан жиноят иши очилган. Ушбу модда билан айбдор деб топилган шахс 7 йилгача озодликдан маҳрум қилиниши мумкин.