«GM Uzbekistan» иккита янги автомобиль ишлаб чиқаришни бошлайди (фото)

Ўзбекистон 16 апрель 9:28 9 643

GM Uzbekistan бу йил Equinox кроссовери ва Trailblazer йўлтанламасини ишлаб чиқаради. «Ўзавтосаноат» вакилларининг қайд этишича, Captiva ўрнига 2019 йилдан иккита янги автомобиль — Chevrolet Equinox кроссовери ҳамда Chevrolet Trailblazer йўлтанламасини ишлаб чиқариши режалаштирилган. Бу ҳақда «Подробно.уз» хабар бермоқда.

Аввалроқ GM Uzbekistan 2019 йилнинг учинчи чораги охирида SUV сегментида икки йўлтанламас модель намойиш қилиши ҳақида хабар берган эди.

«Яқин йиллларда янги глобал платформа яратамиз. Шунингдек, шу йилдан бошлаб биз SUV сегментида, яъни йўлтанламас, йирик узелли икки автомобилни йиғишни бошлаймиз. Captiva ишлаб чиқаришни ўтган йил тўхтатганмиз. Унинг ўрнига шу йилнинг учинчи чорагида ушбу сегментда икки янги автомобиль намойиш қилинади», — дейди «Ўзавтосаноат» раиси ўринбосари Азиз Шукуров.