Ўзбекистонда 1 июлдан таксичилар учун янги қоидалар кучга киради

Ўзбекистон 6 март 9:22 2 176

Ўзбекистон Республикаси Президентининг «Юк ва йўловчи ташиш тизимини тубдан такомиллаштириш чора-тадбирлари тўғрисида»ги қарори имзоланди.

Қарорга кўра, 2019 йил 1 июлдан бир қатор талаблар бекор қилинади:

халқаро юк ташишда фойдаланиладиган юк автомобилларига лицензия карталари бериш учун белгиланган давлат божи;
таксичилар учун назорат-касса аппарати бўлиши кераклиги ҳақидаги талаб (чек ёки электрон чипта бериш шарти билан);
таксопарк очмоқчи бўлган юридик шахслар учун балансида автомобиль бўлиши кераклиги ҳақидаги талаб.
2019 йил 1 апрелдан юридик ва жисмоний шахс ўртасидаги ижара гувоҳномаси учун тўланадиган давлат божи амалдагига нисбатан 2 баравар арзонлаштирилади.

халқаро автомобиль ташувлари учун хорижий/кўп томонлама рухсатномалар олиш учун ариза қабул қилинган кундан эътиборан бир иш куни мобайнида кўриб чиқилади.

Шунингдек, 2019 йил 1 июлдан йўналишдаги таксилар учун тўлов терминаллари, таксометр ҳисоблагичлари, радиоалоқа воситалари (ёки уларнинг ўрнини босадиган телефон, планшет) ўрнатилади.

Таксичилар учун махсус ранг белгиланади ва улар тўхташ мумкин бўлмаган жойларга ҳам тўхташ ҳуқуқига эга бўлади.

Бундан ташқари, Мирзиёев Транспорт вазирлигига бир ойлик муддатда Ички ишлар вазирлиги билан ҳамкорликда енгил автомобилларда йўловчи ташиш фаолиятини амалга ошириш ҳуқуқини берувчи лицензияга эга юридик шахслар инвентаризациясини ўтказиш вазифасини юклади.