Қорақалпоғистон Республикаси Фавқулодда вазиятлар бошқармасидан олинган маълумотга асосан, жорий йилнинг 28 октябрь куни соат 21:30да Снуманай тумани ҳудудидан ўтувчи А-380 «Ғузор-Бухоро-Нукус-Бейнау» автомобиль йўлининг 817 км да ҳаракатланиб кетаётган «Кобальт» русумли д/р 95 Н 229 ФА автомобиль бошқарувини йўқотиб ўнг тарафига ағдарилиб, йўл транспорт ҳодисаси содир этган.
ФВВ матбуот хизматининг маълумотларига кўра, ЙТҲ натижасида 3 нафар фуқаро вафот этган ва 1 нафар фуқаро тан жароҳати олган.
Жароҳатланган фуқаро Шўманай тумани марказий касалхонасига ётқизилган.
Содир бўлган ЙТҲ юзасидан дастлабки терговолди текширув ишлари олиб борилмоқда.