48443

Тошкентда қизларни фоҳишаликка олиб кетаётган аёл аэропортда ушланди

Одам савдоси жинояти билан аввал хам содир этган аёл навоийлик қизларни Туркияга олиб кетаётган вақтда ушланди.

Сирдарёлик Г.Ж, аввал ҳам (2016 й) жиноий қилмиши туфайли озодликдан маҳрум қилинган эди. Ушбу жазодан тўғри хулоса қилмаган Г.Ж. одам савдоси билан боғлиқ жиноятга қайта қўл уради.

Г.Ж навоийлик Ғ. ва Х.ларни хорижга Тошкент халқаро аэропортидан Истанбулга жўнатаётган вақтда қўлга олинди. Қизлар Туркия давлатига фоҳишалик билан шуғулланиши учун олиб кетилаётгани аниқланган.

Унга нисбатан Жиноят кодексининг 135-моддаси тегишли бандлари бўйича жиноят иши очилган бўлиб, ҳозирда тергов ҳаракатлари олиб борилаётгани маълум қилинган.