Депутатлар кам таъминланган оилаларга бепул уйлар қуриб берди (+ВИДЕО)

Ўзбекистон 8 сентябрь 10:46 310

Бектемир туманида истиқомат қулувчи Саодат Жамолиддинова ногирон ўғлини ёлғиз ўзи вояга етказмоқда. 14 йилдан буён ҳали опасиникида, акасининг уйида яшаб келган Соодат ўз бошпанаси, қўрғони бўлишини орзу қилар эди.

Асилова Ахмарал ҳам 2 гуруҳ ногирони, шундай бўлсада 2 нафар фарзандини ёлғиз ўзи оқ ювиб, оқ тараб катта қиляпти. У ҳам отаси, сингиллари билан 2 хонали ётоқхонада амал-тақал қилиб кун кўрмоқда эди. Ахмарал ҳар бир она каби фарзандларини ҳеч нарсадан кам қилмай, зориқтирмай вояга етказишни, ўқишлари, даср қилишлари учун барча шароитлари бўлишини кўпдан бери орзу қилар эди.

Юртимизда ёрдамга мухтож оилаларни қўллаб-қувватлаш, яшаш шароитларини яхшилашга бўлган эътибор туфайли уларнинг орзулари ушалди. Куни кеча мамлакатимиз мустақиллигининг 27 йиллик байрами муносабати билан Саодат ва Ахмарал каби 8 нафар уй-жойга муҳтож, кам таъминланган, ногиронлиги бор фуқаролар учун Халқ депутатлари Бектемир туман Кенгашидаги O‘zLiDeP депутатлик гуруҳи вакиллари ҳамда туман ҳокимлиги томонидан қурилган уйлар тантанали равишда топширилди.