46694

Шавкат Мирзиёевнинг янги вертолёти намойиш қилинди (фото)

Президент матбуот хизмати Шавкат Мирзиёевнинг янги Airbus Helicopters H175 вертолётининг расмини чоп этди. Президент шу вертолётда бугун Тошкент вилоятини айланади.

Airbus Helicopters H175 вертолёти – 2009 йилда Франциянинг “Airbus Helicopters” авиақурилиш компанияси томонидан ишлаб чиқариш йўлга қўйилган. 2014 йил декабрда фойдаланиш бошланди.

2008 йил 24 февралда Хьюстондаги Heli-Expo кўргазмасида расмий равишда илк бор кўрсатилган.

Дастлаб Eurocopter EC175 ва Harbin Z-15 сифатида ишлаб чиқариш бошланган.

2015 йилда EC175 вертолёти H175 номга ўзгартирилиб,  Eurocopter ребрендинги асосида Airbus вертолётлари сифатида ишлаб чиқариш бошланган.

Бу вертолёт ўрта оғирликдаги юк кўтариш кўрсаткичига эга. Максимал учишдаги юк кўтариш кўрсаткичи 7 тоннани ташкил қилади. Вертолётга 12-18 нафар йўловчи ўтириши мумкин. Энг юқори тезлиги 315 км/с. Вертолёт баландлиги 5,34 м, бўш вертолётнинг оғирлиги 4603 кг ташкил этади. Максимал учиш баландлиги эса 5500 метр.

Компания раҳбарияти фикрига кўра, 2034 йилгача 1000 дона бу турдаги ветолётларни сотиш режалаштирилган. Бироқ дастлабки ҳисоб-китобларга қараганда якуний кўрсаткич 500-600 дона атрофида бўлиши мумкин.

Хитойда H175 Хитойнинг AVIC авиация корпорацияси томонидан Avicopter AC352 сифатида ишлаб чиқарилади.