45286

Умринисонинг отаси барча сахий инсонлардан қизининг кулгуси учун миннатдор

ASR.UZ сайти тахриятига Умринисонинг отаси номидан миннатдорчилик хати келиб тушди. Умринисонинг отаси Бахром ака хайрия акциясида иштирок этган барча инсонларга қизининг саломатлиги учун қўшган хиссалари учун миннатдорчилик билдиради.

Шу ўринда ASR.UZ сайти ушбу хайрия акциясида иштирок этган KUN.UZ ва KANALLANI DODASI канали рахбариятларига алохида миннатдорчилигини билдиради.

Эслатиб ўтамиз, Asr.Uz сайти 2018 йилнинг 11 май куни “Туғма юрак нуқсонлари билан туғилган 4 ойлик чақалоқ Умринисога яхшилардан кўмак керак. Вақт оз…” сарлавҳаси остида хайрия акцияси эълон қилган эди.

Тошкент вилояти Чиноз туманида истиқомат қилувчи Умринисода юрак қон томирларининг ўрни алмашиб қолган ва юрак етишмовчилиги (юракнинг туғма нуксони, магистрал кон томирлар транспозицияси, юрак коринчалараро тўсик нуксони, ўпка артерияси стенози) касаллиги билан туғилган.

Бу акцияда шу йилги Рамазони шариф муносабати ва саховатпеша юртдошларимиз ушбу митти юрак, жажжи қалб соҳибасига ҳам ёрдам қўлини чўзишди. Қисқа вақт ичида Умринисо учун Ҳиндистонда тиббий кўрикдан ўтиш ва жарроҳлик амалиётини ўташига зарур бўлган маблағ йиғилди. Умринисо ота-онаси билан 1 июль куни Ҳиндистоннинг Деҳли шаҳрига жўнаб кетди.

Хозирда ота ва онасининг бағрида саломат.