Умринисо Ҳиндистонда реанимацияда – унга ёрдам керак!

Ўзбекистон 6 июль 12:13 795

Asr.Uz сайти 2018 йилнинг 11 май куни “Туғма юрак нуқсонлари билан туғилган 4 ойлик чақалоқ Умринисога яхшилардан кўмак керак. Вақт оз…” сарлавҳаси остида хайрия акцияси эълон қилган эди.

Тошкент вилояти Чиноз туманида истиқомат қилувчи Умринисода юрак қон томирларининг ўрни алмашиб қолган ва юрак етишмовчилиги (юракнинг туғма нуксони, магистрал кон томирлар транспозицияси, юрак коринчалараро тўсик нуксони, ўпка артерияси стенози) касаллиги билан туғилган.

Бу акцияда шу йилги Рамазони шариф муносабати ва саховатпеша юртдошларимиз ушбу митти юрак, жажжи қалб соҳибасига ҳам ёрдам қўлини чўзишди. Қисқа вақт ичида Умринисо учун Ҳиндистонда тиббий кўрикдан ўтиш ва жарроҳлик амалиётини ўташига зарур бўлган маблағ йиғилди. Умринисо ота-онаси билан 1 июль куни Ҳиндистоннинг Деҳли шаҳрига жўнаб кетди.

Хиндистонда амалга оширилган қарийиб 7 соатлик жарроҳлик амалиётидан сўнг, шифокорлар қизалоқ 20 кунлик жонлантириш бўлимида даволаниш кераклигини алохида таъкидлашган.

Умринисонинг отаси Бахром аканинг Аsr.Uz`га маълум қилишича, жонлантириш бўлимида дастлабки даволанишнинг 8 куни бепул бўлиб, қолган бир кунлик даволаниш нархи 350 АҚШ долларни ташкил этади.

Қизалоқнинг оила аъзолари ва Аsr.Uz жамоаси юртдошларимиздан жажжигина қизалоқнинг батамом соғайиб юртимизга қайтиб келишига ўзларининг кичик бўлсада хиссаларини қўшишларини сўраб қолади.

Зора сизу-бизнинг эҳсонимиз бир восита бўлиб, Умринисо ҳам дардидан фориғ бўлса, улғайиб юртимиз келажаги учун хисса қўшса!

Хайрия қилмоқчи бўлган инсонлар учун:

Қизалоқнинг отасининг исми Мирзаев Бахром Абдугаппарович.
Телефон рақами: +998 (97) 710-86-17
Пластик карта рақами: 8600 1402 9181 8897 (PAYME ва Click)