Ўзбекистон Республикаси Президенти Шавкат Мирзиёев Қозоғистон Республикаси Президенти Нурсултон Назарбоевнинг таклифига биноан 6 июль куни Қозоғистон пойтахтига жўнаб кетди. Бу ҳақида президент матбуот хизмати хабар берди.
«Давлатимиз раҳбари 6 июль куни Остона шаҳрининг 20 йиллигига бағишланган юбилей тадбирида иштирок этади», — дейилади хабарда.
Қозоғистонга ташриф чоғида икки томонлама учрашувлар ўтказилиши ҳам режалаштирилган.