43198

Неймар узатиб берган тўп «Бразилия»ни плей-оффга олиб чиқди (видео)

Жаҳон чемпионатининг “Е” гуруҳидан ўрин олган Сербия-Бразилия жамоалари ўртасидаги бахс ниҳоясига етди ҳисоб 0:2.

Учрашув “пентакампионлар”нинг ҳужумлари остида бошланди, бироқ биринчи бўлим дебютида серблар ҳимояси яхши ҳаракат қилди. Бразилиянинг ҳужумлари 36-дақиқага келиб ўз самарасини берди: Филлипе Коутиньо ажойиб пас билан Паулиньони дарвозабон билан бирга-бир вазиятга чиқариб юборди, ярим ҳимоячи эса тўпни дарвозабоннинг устидан оширган ҳолда гол урди.

68-дақиқада Тиаго Силва Неймар томонидан бурчакдан узатиб берилган тўпни боши билан дарвозага аниқ йўналтирди ва жамоасининг иккинчи голини урди.

Шу тариқа, Бразилия учинчи турда ғалабага эришган ҳолда гуруҳда биринчи ўринни олди ва 1/8 финалда Мексика билан куч синашадиган бўлди. Сербия эса турнирдаги иштирокини якунлади.

Голлар: 0:1 – 36 Паулиньо, 0:2 – 68 Тиаго Силва.

Сербия:  Стойкович, Рукавина, Миленкович, Велькович, Коларов, Милинкович-Савич, Матич, Тадич, Ляйич (Живкович, 75), Костич (Радонич, 82), Митрович (Йович, 89).

Бразилия: Алиссон, Фагнер, Тиаго Силва, Миранда, Марсело (Филипе Луис, 10), Паулиньо (Фернандиньо, 66), Каземиро, Коутиньо (Ренато Аугусто, 80), Виллиан, Габриэл Жезус, Неймар.

Огоҳлантиришлар: Ляйич (33), Матич (48), Митрович (70).