42829

Тошкент шаҳар ИИББ Мурод Хонтўраев қўлга олинганини тасдиқлади

Тошкент шаҳар ИИББ аралаш курашнинг оғир вазнли жангчиси Мурод Хонтўраев қўлга олинганини тасдиқлади. Бу ҳақда UzNews хабар бермоқда.

Эслатиб ўтамиз Мурод Хонтураев тан жароҳати етказишда айбланиб, қўлга олинган эди. У 20 июнь куни тунда тан жароҳати, яъни кўкрак қисмига пичоқ билан зарба берилгани жароҳати сабабли Юнусобод туманидаги собиқ 17-шаҳар шифохонаси, ҳозирги 7-шифохонага ётқизилган. Эртасига спортчи Тошкент шаҳар ИИББ га олиб кетилган ва шу кунга қадар сўроқ қилинмоқда.

Ҳозирда Мурод Хонтўраевга нисбатан Ўзбекистон Республикаси Жиноят кодексининг 277-моддаси (безорилик) тартибида жиноят иши қўзғатилган бўлиб, тергов ҳаракатлари олиб борилмоқда.

Маълумот учун, Мурод Хонтўраев — жаҳон чемпиони, «Осиё айиғи» лақаби билан дунёга танилган. Айни пайтга қадар 11 та жанг ўтказиб, улардан 8 тасида (6 тасини нокаут билан) ғалаба қозонган.